2012/05/02

Giltzurruna eman eta lanetik egotzi

Asteazkena, 2012ko apirilaren 25a

Bere nagusi-andreari giltzurruna eman zion eta hark lanetik egotzi zuen

Nagusi-andreak ebakuntza ostean lanera  ez joatea aurpegiratu eta beste lantoki batera bidali zuen haren balizko huts egiteak zirela eta.
Hori gertatu zitzaion Debbie Stevens Long Islandeko langileari, New York Post-en arabera.  Emakumeak jakin zuen nagusi-andreak giltzurrun-transplantea eskatzen zuen gaixotasun larri bat zuela. Jackie Brucia nagusi-andreak, egunkariaren arabera, transplantea antolatua zuen arren, Debbie-k ziurtatu zion, behar izanez gero, berak emango ziola giltzurruna. Handik hilabete batzuetara, aldizkariak dioenez, langileak nagusi-andrearen deia jaso zuen esanez emaileak atzera egin zuela eta ea eskaintzak bere hartan irauten zuen. Hala jarraitzen zuen, beraz, nagusi-andrea eta langilea ebakuntza-gelatik pasatu ziren. Baina Debbie-ren giltzurrunak ez zuen balio nagusi-andrearentzat, eta beste emaile batenarekin trukatu zuten. Jackiek bizia salbatu zuen bere langileari esker.
Senda-agiria jaso ondoren, ordea, langilea ebakuntza osteko minsorra izaten hasi zen, eta egun batzuetan etxean geratu behar izan zuen, lanera huts eginez. Egun horietan jaso zuen nagusi-andrearen beste dei bat zergatik ez zen lanean ari galdetuz. “Zer ari zara? Zergatik ez zaude lanpostuan? Ezin da sartu eta atera bati gogoak emandakoan”,  esan zion nagusi-andreak. Horren ondoren, biek lan egiten zuten kontzesionarioko nagusi-andrea lanean balizko hutsegiteak leporatzen hasi zitzaion, langileak dioenez. Auzia Debbie beste kontzesionario batera bidalita ebatzi zen, etxetik 50 kilometrora eta auzo gatazkatsu batera. Dirudienez, lan-leku hori zigor-lekutzat hartua dute konpainiako langileek. Halako presioen aurrean, langileak psikologo batengana jo zuen, eta hark gutuna bidali zion enpresari. Erantzuna, lanetik egoztea izan zen. Dena den, ez du egindakoaren damurik: “Missouriko gizon baten bizia salbatu zuen”, hara joan zen bere giltzurruna eta.