GUTUN FORMAL BANA IDAZTEKO GAIAK

1.- Enpresa bateko gerentea zara. Zuen negozioa oso ondo doa. Orain dela 5 urte, ordea, okerrago zenbiltzaten. Garai hartan zuen pabilioi bat utzi zenioten Dresden enpresari, zuengandik hurbil dagoen enpresari. Orduan mesede ederra egin zizueten enpresa horretakoek. Larrialdian zineten eta handik atera zintuzteten. Orain, pabilioi horren behar gorria duzue lanean jarraitzeko eta gutun baten bidez eskatuko diozu hango gerenteari.

2.- Diru-laguntza bat ukatu berri dizute. Eman dizkizuten arrazoiak hauek dira:
• Diru-laguntza EAE barruan dauden enpresa jarduerentzat zen. Zuen enpresak Errioxako enpresa bat erosi du duela gutxi eta administrazioa hara joango zareten beldur da
• Puntuetako batean ez duzuela behar besteko dokumentaziorik aurkeztu aurpegiratu dizuete.
• Laguntza eskaera aurkeztu duenaren ahalmen-agiria falta zen.
Idatzi gutuna erabakia ez duzula onartzen azalduz eta arrazoituz.

3.- Liburu bat idatzi duzu. Argitaletxe batera bidali duzu eta esan dizute aurten 3 liburu baizik ezin dituztela argitaratu, aurrekontu murrizketa dela eta. Aldi berean, zure lana beste 9rekin batera argitaratzeko aukera dutenen artean dagoela esan dizute. Zure lana argitaratzeko arrazoiak gutun bidez aurkezteko eskatu dizute.